Бүгін, 10:18
Белгілі продюсер әрі актриса Дариға Бадықова жуырда жаңа фильмнің түсірілімі басталатынын мәлімдеді, деп хабарлайды kznews.kz.
Өнер иесінің айтуынша, Өскеменде құтқарушылар туралы жаңа кино түсіріледі. Бұл туралы ол Instagram парақшасында жазды.
Сондай-ақ актриса кино саласына қатысты арманы мен болашақ жоспарларымен бөлісті. Ол кезінде тойларда ән айтып жүрген шағында кино әлемінде сапалы фильмдер түсіруді армандағанын айтты.
"Бірге жүрген жандарға тек алғыс, құдай тілеулерін берсін. Өзіміздің елде өте күрделі фильм түсіреміз. Біреу маған “Күйеуге шығайын деп жатыр” деп жазыпты. Сондай нәрселер жазылып жатыр. Бірақ енді ол болашақтың еншісінде… Сондай бір ауқымды жоба болайын деп тұр”,- деді Дариға Бадықова.
Дариға Бадықова бүгінде сол мақсатына жеткеніне қуанышты екенін жеткізіп, алдағы уақытта Қазақстанда ауқымды әрі күрделі жоба қолға алынатынын атап өтті. Сонымен қатар желіде өзінің жеке өміріне қатысты түрлі болжамдар тарап жатқанын да жасырмады.
