13 наурыз, 2020
Қытайда коронавирус жұқтырған ең алғашқы адам желтоқсанда емес, қарашаның 17-сінде тіркелген, деп хабарлайды Stan.kz ақпарат агенттігі.
Бұл туралы қытайлық South China Morning Post басылымы мәлімдеді. Басылымның ақпаратына сәйкес, ең алғаш жұқпалы індетті 55 жастағы Хубэй провинциясының тұрғыны жұқтырған. Атап өтейік, дәл осы провинция аурудың ошағына айналған еді.
Қараша айының өзінде коронавирусты жұқтырған он адам анықталған, десек те олардың ешқайсысы эпидемияны таратқан алғашқы науқас ретінде тіркелмепті.
Қазіргі таңда коронавирусты 120 мыңнан астам адам жұқтырған, аурудан көз жұмғандардың саны төрт мыңға жетіпті. Ал 11 наурыз ДДСҰ коронавирусты пандемия деп атапты.
Еске салайық, бұған дейін Қытай коронавирус таратты деп АҚШ-ты айыптаған еді.
stan.kz
