Әлеуметтік желіде Алматы көшелерінің бірінде қолы байланған әйелдің жүргені түсірілген видео тарады. Жазба авторлары оқиғаға алаңдаушылық білдірген, деп хабарлайды kznews.kz.
Мәлімет Telegram-дағы «Президентке хаттар» арнасында жарияланған. Арна авторларының жазуынша, әйел үйден көшеге әрең қашып шыққан.
«Кейін әйелдің туған ұлы анасын өз отбасылық өміріне араласты деген себеппен байлап, жазалағаны анықталды», – делінген хабарламада.
Оқиғаға қатысты Алматы қаласының Полиция департаменті тексеру бастаған.
«Әйелдің жеке басы анықталды. Қазір ол полицияда, түсініктеме беріп жатыр. Бұған дейін бұл жағдайға қатысты полицияға ешқандай шағым түспеген», – деді Алматы қаласы ПД баспасөз қызметі.
Қазір оқиғаның барлық мән-жайы анықталып жатыр. Тексеру нәтижесі бойынша құқықтық баға беріліп, тиісті шаралар қабылданады.