Бүгін, 11:23
ҰҚК Шекара қызметі шетелге қолма-қол ақшаны заңсыз алып шығу әрекеттерінің жолын кесуді жалғастырып жатыр. Тек 2026 жылғы 30 маусым мен 7 шілде аралығында ғана өткізу бекеттерінде осындай 38 дерек анықталды. Заңсыз әкетілмек болған қаражаттың жалпы көлемі 636 миллион теңгеден асты, деп хабарлайды kznews.kz.
"Жекеленген жағдайлардың бірінде, ҰҚК ШҚ Жамбыл облысы бойынша департаментінің «Қордай» автокөліктік шекаралық бақылау бөлімінде шетел азаматының жүгін тексеру барысында 350 000 АҚШ доллары (170 037 000 теңге) анықталды", - делінген хабарламада.
Аталған факті бойынша материалдар процессуалдық шешім қабылдау үшін құзыретті органдарға жолданды.
ҰҚК Шекара қызметі Қазақстан Республикасының заңнамасына сәйкес республика аумағынан (10 мың АҚШ долларынан баламасынан асатын) соммадағы қолма-қол ақша қаражатын шығаруға тыйым салынатынын еске салады.
