Бүгін, 18:09
Израиль мен АҚШ барлау қызметтерінің құжатында Иран көсемі Моджтаба Хаменеи ес-түссіз күйінде екені және Құм қаласында ем алып жатқаны айтылған, деп хабарлайды kznews.kz Газета.ru-ға сілтеме жасап.
The Times басылымының жазуынша, бұл жазбаларда Хаменеидің нақты орналасқан жері алғаш рет жария етілген. Құм қаласы Тегераннан оңтүстікке қарай шамамен 130 шақырым жерде орналасқан.
«Моджтаба Хаменеи Құм қаласында ауыр жағдайда ем қабылдап жатыр және қазіргі уақытта қандай да бір шешім қабылдауға қабілетсіз», — делінген құжатта.
Иран билігі жаңа жоғарғы көшбасшының әуе соққысы кезінде жараланғанын растады. Сол шабуылдың алғашқы күні оның әкесі, анасы, жұбайы және ұлдарының бірі қаза тапқан. Қақтығыс басталғалы бері Моджтаба Хаменеиді ешкім көрмегені хабарланды.
Ал үлкен Хаменеидің денесі Құм қаласында жерлеуге дайындалып жатыр — ол жерде үлкен кесене салынуда.
