Бүгін, 12:44
Иран аумағына жасалған АҚШ пен Израиль соққыларының салдарынан 300-ден астам бала мен жасөспірім жарақат алды, деп хабарлайды kznews.kz.
Иранның жедел жәрдем қызметінің басшысы Джафар Миадфардың айтуынша, жараланған кәмелетке толмағандардың барлығы ауруханаларға жеткізілген.
"Ирандағы сионистік-америкалық шабуылдардың салдарынан қаза тапқан ең кішкентай бала – бір жасар сәби. Ал жараланғандардың ішіндегі ең кішісі – небәрі алты айлық нәресте", – деді Миадфар Иранның мемлекеттік телерадиокомпаниясы эфирінде.
Иран билігінің мәліметінше, 28 ақпаннан бері АҚШ пен Израильдің соққылары салдарынан жалпы 1045 адам қаза тапқан.
