2 наурызда Алматының бас санитар дәрігері Жандарбек Бекшин "Ashyq" мобильдік қосымшасын пайдалана бастаған нысандарды жеке тексергені хабарланды.
Әлеуметтік желі қолданушылары тексеріс барысында Бекшин Iphone 12 смартфонын ұстап тұрғанын байқап, пікір жазған. Алайда Алматының санитарлық-эпидемиологиялық бақылау департаменті смартфон Жандарбек Бекшинге тиесілі еместігін жазды.
Алматының санитарлық-эпидемиологиялық бақылау департаментінің Instagram парақшасына қолданушының бірі "Бекшин Iphone 12 ұстайды екен" деп жазған.
Парақша cмартфон Бекшинге емес, спорт кешенінің директорына тиесілі екенін, арнайы қосымша осы смартфонға орнатылғандықтан қаланың бас санитары қосымша қызметін осы құрылғымен тексергенін жазған.
