14 қазан, 2025
Еліміз арнайы қажеттілігі бар балалардың толыққанды білім алуына жағдай жасап отыр. Әсіресе, орта мектептердегі сыныптарда "ерекше баланы" басқа оқушылармен қосып оқыту ісі оң нәтиже көрсеткен.
Оқу-ағарту министрлігіне қарасты кеңес беру орталығының мәліметінше, тіркеуге алынған 235 мың арнайы қажеттілігі бар баланың арасынан 100 мыңнан астам оқушы инклюзивті білім алу мүмкіндігіне қол жеткізіпті.
Жалпы, еліміздің білім саласына "инклюзивті оқыту" ұғымы 2011 жылдан бастап ене бастады. Арнайы заң қабылданып, оқу бағдарламасы бекітілді. Бүгінде барлық мектептердің 91 пайызы және мектепке дейінгі тәрбие мекемелерінің 73 пайызы инклюзивті бағдарламамен білім беріп отыр. Ал кәсіптік, техникалық білім беру бағытындағы колледждерде арнайы қажеттілігі бар балаларға жасалған жағдай 85 пайызды құрайды.
