14 мамыр, 2020
Спорт
Қысқа сілтеме алу
Конор Макгрегор мен UFC президенті Дэйн Уайт Абдулманап Нурмагамедовтың тезірек сауығып кетуін тіледі
НҰР-СҰЛТАН, 14 мамыр - Sputnik. Mash Telegram-каналы Абдулманап Нурмагамедовтың инсульт алғанын хабарлады.
"Пневмонияның асқынуына байланысты тромб пайда болып, гипертониялық криз салдарынан инсульт алды. Дәрігерлер Хабиб Нурмагамедовтың әкесінің жағдайы ауыр екенін хабарлады. Ол комада жансақтау бөлімінде жатыр", - деп жазылған хабарламада.
Абдулманап Нурмагомедов алдымен Дағыстан ауруханасына жеткізілді. Кейін санитарлық авиациямен Мәскеудегі әскери госпитальге апарды.
Конор Макгрегор мен UFC президенті Дэйн Уайт Абдулманап Нурмагамедовтың тезірек сауығып кетуін тіледі.
Ирландиялық спортшы көптеген чемпион даярлаған Абдулманап Нурмагомедовтың өз саласының нағыз майталманы екенін жазған.
sputniknews.kz
