Бүгін, 15:50
Қазақстанда әлеуметтік желі арқылы лотерея ұйымдастырған блогерлер мен танымал тұлғалар әкімшілік жауапкершілікке тартылды. Олардың арасында Қайрат Нұртастың анасы Гүлзира Айдарбекова, актриса әрі блогер Әсел Асқар, сондай-ақ Аружан Әбілова, Айым Алтынбекова және Елдос Қадірханов бар, деп хабарлайды kznews.kz.
Қазақстанда әлеуметтік желі арқылы лотерея ұйымдастырған блогерлер мен танымал тұлғалар әкімшілік жауапкершілікке тартылды. Олардың арасында Қайрат Нұртастың анасы Гүлзира Айдарбекова, актриса әрі блогер Әсел Асқар, сондай-ақ Аружан Әбілова, Айым Алтынбекова және Елдос Қадірханов бар.
Туризм және спорт министрлігінің мәліметінше, 2026 жылдың қаңтар-тамыз айларында лотерея заңнамасын бұзған әлеуметтік желідегі 69 аккаунт анықталған. Туризм және спорт министрлігінің ресми мәліметі
Оларға Әкімшілік құқық бұзушылық туралы кодекстің 445-бабының 1-бөлігі бойынша шара қолданылған. Аталған бап Қазақстандағы лотереялар мен лотерея қызметіне қатысты заң талаптарын бұзуға байланысты.
Ең жоғары айыппұл «aitoli_aktau» аккаунтына салынған. Ол 525 АЕК, яғни 2 064 300 теңге төлеуге міндеттелген.
Ал ең төменгі айыппұл көлемі 50 АЕК немесе 196 600 теңге болды. Мұндай айыппұл Гүлзира Айдарбековаға салынған.
Әсел Асқарға 648 750 теңге айыппұл тағайындалды. Аружан Әбілова, Елдос Қадірханов және «aekaposh» атымен танымал Айым Алтынбекова да дәл осындай көлемде айыппұл төлейді.
Министрлік лотерея заңнамасын бұзған басқа да әлеуметтік желі аккаунттары анықталғанын хабарлады.
Осылайша, әлеуметтік желіде ұтыс немесе лотерея ұйымдастыратын блогерлерге де заң талаптары ортақ. Аудиторияның көп болуы немесе аккаунттың танымалдығы лотерея өткізу ережелерін сақтамауға негіз болмайды.
