Оның сөзінше, сериалды жалғастыру туралы шешім қабылдау оңай болмаған. Продюсер бесінші маусымнан кейін жобаны жабуды ойлағанын жасырмады.
«Актерлердің гонорары бірнеше есе өсті, ал бюджет сол деңгейде қалды. Сондықтан құрамды сақтап қалу қиынға соқты. Арна “кім келіссе, сол түссін, жаңа кейіпкерлер қосыңыз” деп талап қойды. Халықтың сұранысын ескеріп, түсіруге қайта келісім бердім», – деді ол.
Мамасарипова сондай-ақ актер Рүстем Жанымановтың не себепті жаңа маусымға қатыспайтынын түсіндірді.
«Алғашында ол келісімін берген. Бірақ басқа жобалардың кестесімен уақыт сәйкес келмей қалды. Бірнеше рет хабарластым, жауап болмады. Мүмкін, шаршаған да шығар. Әрине, ешкімді еркінен тыс түсіре алмаймыз», – деп түсіндірді продюсер.
