Танымал әнші Бүркіт қоғамдағы адамдардың мінез-құлқында байқалып отырған өзгерістерге алаңдаушылық білдірді, деп хабарлайды kznews.kz.
Өнер иесінің айтуынша, соңғы уақытта адамдардың ашуланшақ, шыдамсыз бола бастағаны анық сезіледі. Ол бір-біріне деген сыйластықтың азайып, тіпті күнделікті тұрмыстық жағдайлардың өзінде сабыр сақтай алмайтындар көбейгенін атап өтті.
«Қазір көлікті тұраққа қойып жатқанның өзінде 10–15 секунд күте алмай, сигнал беріп, адамды шошытады. Бірдеңе болды ма деп қарасаң, артыңнан балағат айтып, жау көргендей қарайды. Аздап шыдамдылық танытып, сабырлы әрі мейірімді болайық. Құрмет көрсетуді ұмытпайық", - деп жазды әнші.
