Гарсияның айтуынша, GGG мансабы бұл жоғары атаққа лайық емес, себебі ол "тарихта қалатындай айқын жеңістерге" жете алмаған.
“GGG-дің бірде-бір ұлы жеңісі жоқ. Ол нақты кімді жеңді? Иә, ол ұзақ жылдар бойы супержұлдыз болды, бірақ мен оны Даңқ залына қоспас едім. Бұл мәртебеге лайық болу үшін ерекше, тарихи жеңіс керек. Ал Головкиннен ондайды көрмедім”, – деді Райан Гарсия Inside the Ring бағдарламасында.
Еске салайық, жуырда Геннадий Головкин Халықаралық бокс даңқ залына (IBHOF) енуге ресми кандидаттар тізіміне енгізілген болатын. Дауыс беру қорытындысы 2025 жылдың желтоқсан айында жарияланбақ.
Көптеген жанкүйер мен сарапшы Гарсияның бұл пікірін сынап, Головкиннің бокстағы үлесін “аңыздық деңгейдегі еңбек” деп бағалады.
