Бүгін, 16:16
Қызылорда облысында жақын арада жаңа әкім тағайындалуы мүмкін. Осыған байланысты облыстық мәслихат депутаттарының арнайы жиналысы өтеді, деп хабарлайды kznews.kz.
Тиісті ақпарат Қызылорда облыстық мәслихаты аппараты сайтында жарияланған. Жиналыс 8 мамыр күні таңғы сағат 09:00-де Қызылорда қаласында өтеді.
Хабарламада айтылғандай, жиын Қазақстан Президентінің №912 Жарлығына сәйкес ұйымдастырылып отыр. Депутаттар Қызылорда облысы әкімінің кандидатурасына келісім беру мәселесін қарайды.
Айта кетейік, Нұрлыбек Нәлібаев 2022 жылдың сәуірінен бері Қызылорда облысының әкімі қызметін атқарған. 6 мамыр күні ол Қазақстан Премьер-министрінің бірінші орынбасары болып тағайындалды.
