Әнші ұстаздың амандығына шүкіршілік айтып, жұртшылықты сабырға келуге үндеді.
«Нұрсұлтан ұстазымыз жол апатына ұшырапты дегенді естіп, қатты уайымдадық. Он рет дұға қылсам да, соның бәрінде Алладан сіздің сауығып кетуіңізді тіледім. Әлхамдулиллә, бүгін нақты ақпарат келіп, көңіліміз орнына түсті. Ұстаз аман екен, жағдайы жақсы. Алла тағала отбасымен аман-есен қауышуды нәсіп етсін. Дұға жасап қойыңыздар, бауырлар», – деп жазды Қанаев.
Еске сала кетейік, таяуда Нұрсұлтан Рысмағамбетов жол апатына түсіп, әлеуметтік желіде оның жағдайына алаңдаған жазбалар тараған еді. Қазір дінтанушының денсаулығына ешқандай қауіп жоқ, жағдайы тұрақты.
