Бүгін, 14:43
Үндістанда ем қабылдап жүрген 16 жастағы қазақстандық жасөспірім қайтыс болды, деп хабарлайды kznews.kz.
Бұған дейін әлеуметтік желілерде оның онкологиялық ауруға шалдыққаны туралы ақпарат тараған. Туыстарының айтуынша, жасөспірім энергетикалық сусындарды жиі тұтынып, вейп қолданған.
Жақындары уақыт жоғалтпай, оны шұғыл ем алу үшін Үндістанға жеткізген. Алайда, өкінішке қарай, жасөспірімнің өмірін сақтап қалу мүмкін болмаған. Бұл туралы оның әпкесі Перизат Болатқызы Threads желісінде жазды. Оның айтуынша, науқас жүрегінде пайда болған тромбтың үзілуі салдарынан көз жұмған.
Қазақстан Республикасы Сыртқы істер министрлігі марқұмның денесі елге жеткізілгенін мәлімдеді. Ведомствоның хабарлауынша, барлық консулдық рәсімдер аяқталып, мәйіт туыстарына жерлеу үшін тапсырылған.
