26 қыркүйек, 2025
Полиция мәліметінше, жанжалға колледж студенттері қатысқан. Қазір қылмыстық іс қозғалып, күдікті кәмелетке толмағандарды бейімдеу орталығына қамалды.
Барлық қатысушылар профилактикалық есепке алынды, іс кәмелетке толмағандар ісі жөніндегі комиссияға жіберілді. Ата-аналарға әкімшілік шара қолданылмақ. Сондай-ақ полицияға хабарламай, тек видеоға түсіріп таратқан жасөспірім де жауапкершілікке тартылатыны айтылды.
Сарапшылар соңғы уақытта жасөспірімдер арасындағы қатыгездік көбейгенін айтып, ата-аналар мен мектептердің бұл мәселеге бейжай қарамауын ескертті.
