Астана қалалық мәслихатының депутаты Талғат Ерғалиев елордадағы қылмыс деңгейі жоғары деген сөзі үшін жұрттан кешірім сұрады, деп хабарлайды kznews.kz.
Депутат Instagram желісіндегі парақшасында мәлімдеме жасап, бұған дейін айтқан ақпараты шындыққа сәйкес келмейтінін мойындады. Оның айтуынша, дерек көмекшісі тарапынан құзырлы органдардың ресми мәліметінсіз дайындалған.
Ерғалиев Ішкі істер министрлігінің ресми статистикасына сүйене отырып, Астананың қылмыс деңгейі төмен, қауіпсіздігі жоғары қалалардың бірі екенін атап өтті және қате ақпарат үшін кешірім сұрады.
