9 маусым, 2026
Доминикан Республикасында америкалық N318JF тіркеу нөмірі бар жеке ұшақ апатқа ұшырап, екі ұшқыш қаза тапты, деп хабарлайды kznews.kz.
GALX үлгісіндегі әуе кемесі Ла-Романа қаласынан оңтүстік-батысқа қарай шамамен 16 теңіз милі қашықтықта болған кезде төтенше жағдай жариялаған. Экипаж Ла-Романа халықаралық әуежайына қайта оралуға тырысқанымен, ұшақ маневр жасау кезінде құлаған.
Бортта екі экипаж мүшесі – бірінші және екінші ұшқыш болған. Ұшақ АҚШ-та тіркелген және іскерлік авиациямен айналысатын компанияға тиесілі. Бұл жолаушыларды алып кету үшін келген чартерлік рейс болған.
