4 мамыр, 2021
Үндістанда коронавирустық инфекцияның эпидемиологиялық жағдайы нашар. Сондықтан соңғы екі аптада ол елге барған барлық қазақстандықтар екі апталық үй карантиніне жіберіледі.
Бұл туралы денсаулық сақтау министрі Алексей Цой мәлімдеді.
Министр Үндістанда коронавирустық инфекцияның эпидемиологиялық жағдайы нашарлағанын айтты. Ол жерде күн сайын 400 мыңға дейін коронавирус жұқтырған адам тіркелуде. Осыған байланысты Қазақстан билігі Үндістанда кең таралған штаммның елге келуіне жол бермеу үшін қосымша шаралар қабылдады.
"Осылайша, соңғы 14 күнде Қазақстанға келген және Үндістанға барған адамдар үйде оқшауланатын болады. Олар 14 күн үй карантиніне жатқызылады", - деді Цой.
