«Сол кезде ол министрдің көмекшісі қызметіне орналасуды жоспарлап жүрген еді», – деді сотта куәлік еткен Толғанай Боранқұл.
Сот барысында қыздан «замутить диплом» тіркесін қалай түсінетіні сұралды.
«Меніңше, бұл – дипломды сатып алу немесе сырттай оқу арқылы алу, мемлекеттік қызметке тұру үшін қажет болған», – деп түсіндірді ол.
Боранқұлдың айтуынша, Перизат шетелде алған дипломын Қазақстанда қалай заңдастыруға болатынын сұраған. Ол өзі де шетелдік оқу орнын тәмамдағанын айтып, дипломын нострификациядан қалай өткізгенін түсіндірген.
«Перизат осы процесті сұрап білді. Кейін менің дипломымды қалай рәсімдегенімді суретке түсіріп көрсетуімді өтінді. Мен оған фото немесе сканерленген нұсқасын жібердім», – деді ол.
