18 қазан, 2025
19 жастағы Диас Төлеу 16 қазанда Бірінші лига аясында өткен «Хан-Тенгри» мен «Екібастұз» командаларының ойыны кезінде көз жұмған. 64-минутта өзін жайсыз сезінген футболшыны дәрігерлер зембілмен алаңнан алып шыққан. Қайғылы оқиғаның нақты себебі әзірге анықталған жоқ, алайда матчтың соңғы сәттеріне қатысты кейбір мәліметтер белгілі болды.
Келесі күні, 17 қазанда өткен «Қайрат» пен «Қызылжар» арасындағы кездесуде Дастан Сәтпаев гол соғып, оны Диас Төлеуге арнады. Футболшы қолымен «Т» және «8» белгілерін көрсетіп, марқұмның тегін және ойын нөмірін білдірді.
ҚФФ дерегінше, Диас Төлеу жас болса да, ерекше еңбекқорлығымен және талантымен көзге түскен. Ол — «Қайрат» академиясының түлегі, 2006 жылғы 4 мамырда туған. «Хан-Тенгри» клубына 2024 жылдың сәуірінде ауысқан.
