11 сәуір, 2019
Сайлауды Қазақстан заңына сай өткізу - абыройлы міндетіміз. Бүгін сенат отырысында кезектен тыс президент сайлауына қатысты пікір білдірген сенат спикері Дариға Назарбаева осылай деді, деп хабарлайды Stan.kz тілшісі.
9 сәуірде Қазақстан президенті Қасым-Жомарт Тоқаев елімізде кезектен тыс президент сайлауы өтетіні туралы қаулыға қол қойды. Сайлау 2019 жылдың 9 маусымында өтпек.
"Бұл шешімнің дұрыстығына және дер кезінде қабылданғанына сенімдімін. Президенттің қаулысы біздің қоғамның көптеген сұрағына жауап береді", - дейді Дариға Назарбаева.
Сенат спикерінің сөзінше, қазақстандықтар бәрінен бұрын тыныштық, бейбітшілік пен экономикалық тұрақтылықты бағалайды.
"Сайлауды Қазақстан заңына сай өткізу - абыройлы міндетіміз. Сондықтан сайлауалды кезең – әрқайсымыз үшін үлкен әрі жауапты жұмыстың уақыты", - дейді сенат төрағасы.
stan.kz
