Актер Дархан Мұсаев әлеуметтік желідегі парақшасында жаңа жазба жариялап, көпшіліктің назарын аударды. Өнер иесі қандай жағдай болмасын түсіністік танытып, қолдау көрсететін адамның жанында болуы маңызды екенін атап өтті, деп хабарлайды kznews.kz.
«Сені қандай жағдай болса да түсінетін, әрдайым демеу болатын бір адамның бар екені қандай жақсы. Соңғы сұхбатқа байланысты, қалған адамдар не десе де, өз еркі. Мен ешкімді кінәламаймын. Әркімнің өз шындығы, өз пікірі бар. Әр адамның қателесуге де құқығы бар. Аман болайық!» – деп жазды актер.
Дархан Мұсаев жариялаған суреттер де желі қолданушыларының қызығушылығын тудырды. Жазбаға пікір қалдырған оқырмандар актерге бақыт тілеп, жылы лебіздерін білдірді. Кейбірі оның жеке өміріне қатысты болжамдарын да жасырмады.
«Бақытты болыңыз», «Жақсы жар жолықсын», «Әдемі қыз алатын сияқты», «Жаңалығы осы ма екен?» деген пікірлер жазылды.