6 қараша, 2025
Чемпиондар лигасы: «Қайрат» Миланда «Интерге» қарсы тартысты ойын өткізді, алайда 2:1 есебімен жеңілді, деп хабарлайды kznews.kz.
Чемпиондар лигасының негізгі кезеңінің төртінші турында алматылық «Қайрат» Италияның «Интерімен» Миландағы әйгілі «Джузеппе Меацца» стадионында кездесті. Қарсыласу тартысты өтті, дегенмен ойын 2:1 есебімен алаң иелерінің пайдасына аяқталды, деп хабарлайды Azattyq Rýhy.
Алғашқы таймда миландықтар ойынның қарқынын өз қолында ұстап, үзіліске дейін басымдыққа қол жеткізді. Команда капитаны Лаутаро Мартинес 45-минутта дәл соққымен есеп ашты.
Екінші таймда «Қайрат» өз ойынына сенімді түрде кірісті. Команда капитаны Офри Арад 55-минутта қарсы қақпаны дәл нысанаға алып, есепті теңестірді. Айта кетейік, бұл гол – «Интердің» Чемпиондар лигасындағы биылғы маусымда жіберген алғашқы добы болды.
Алайда 67-минутта Карлос Аугусто бұрыштама добын дәл аяқтап, италиялық клубқа қайта басымдық әкелді. Қалған уақыт ішінде қос команда бірнеше қауіпті шабуыл ұйымдастырғанымен, есеп өзгерген жоқ.
