20 ақпан, 2024
ҚР Төтенше жағдайлар министрі Шыңғыс Әрінов бұрын осы салада министр болған Сырым Шәріпхановты жұмысқа шақыру туралы сұрақтарға жауап берді деп хабарлайды Kznews.kz тілшісі.
«Ол кісі назардан тыс қалған жоқ, басында-ақ сөйлестік. Әртүрлі ұсыныстар болды. Бірақ ол қазіргі таңда өзінің денсаулығын, отбасы жағдайын дұрыстап алған соң, бір айдың ішінде шешім қабылдайды. Дегенмен біз жақтан барлық ұсыныстар жасалды», - деді Шыңғыс Әрінов Үкімет үйінде өткен баспасөз мәслихатында.
Сырым Шәріпханов министр лауазымын небары 8 ай атқарды.
Бұған дейін Шыңғыс Әрінов «Майқайыңалтын» кен орнындағы қазіргі ахуалды баяндап, өзі қашан баратынын айтқан еді.
