15 ақпан, 2022
Қазақстандық танымал әнші Мақпал Исабекова көпшілікке қуанышты жаңалығын бөлісті. Ол жақында сәбилі болатынын өзінің instagram парақшасында жария етті деп хабарлайды kznews.kz тілшісі.
Осыдан бір жыл бұрын сүйіктісі ұсыныс жасаған Исабекованың бүгінде аяғы ауыр. Өнер жұлдызы отбасындағы ең маңызды жаңалықты "Валентин күнінде" хабарлауды жөн көрген. "Былтыр осы күні сүйіктімнен ұсыныс алған едім, міне араға бір жыл салып, Алланың қалауымен бүгін, ғашықтар күнінде, осындай қуанышымызбен бөліскіміз келді. Бұл бақыт. Альхамдулиллах", - деп жазған Мақпал бақытты сәтінен суреттер де жүктеді. Әншінің барша жанкүйері мен достары оны жарыса құттықтап, жылы лебіздерін білдіріп жатыр.
