1 сәуір, 2020
Қазақстанның астанасындағы көшелер босап қалды, саябақ, гүлзарлар мен жағалауда қыдырып жүретін қала тұрғындары көрінбейді. Коронавирус астаналықтардың қалыпты өмірін өзгертті
Нұр-Сұлтанда 30 наурыз – 6 сәуір аралығында бір аптаға жұмыс тоқтатылды. Тұрғындарға үйден себепсіз шығуға болмайды. Тек дүкенге, дәріханаға, медицина мекемелеріне және жұмысқа баруға болады.
Полиция қызметкерлері көлік жүргізушілерін тоқтатып, қала бойынша жүріп-тұруға рұқсат құжатының бар-жоғын тексеріп жатыр. Көшеге таңғы оннан кешкі сегізге дейін шығу ұсынылды.
Нұр-Сұлтан қазір коронавирус жұқтырғандар бойынша көш басында тұр. Соңғы деректер бойынша қалада 184 дертке шалдықты. Жергілікті билік инфекцияның одан әрі таралуына жол бермеу үшін қатаң шаралар қабылдады.
sputniknews.kz
