Бүгін, 00:37
«Қазгидромет» синоптиктері 22 қаңтар, бейсенбі күніне арналған ауа райы болжамын жариялап, бірқатар өңірде жаңбыр мен қар, көктайғақ, тұман және боран күтілетінін ескертті, деп хабарлайды Kznews.kz.
Атырау облысында батысы мен солтүстігінде қар жауып, көктайғақ болады. Солтүстігі мен шығысында боран соғып, жел шығыс және солтүстік-шығыстан 15–20 м/с-қа дейін күшейеді. Батысы мен оңтүстігінде тұман түседі. Атырау қаласында да кей уақытта тұман мен көктайғақ болжанады.
Астанада түнгі және таңғы уақытта тұман түсіп, жолдарда көктайғақ болуы мүмкін.
Маңғыстау облысында жауын-шашын (жаңбыр, қар) және көктайғақ күтіледі. Күндіз батысы, оңтүстігі және орталығында боран күшейіп, тұман да байқалады. Жел солтүстік-батыстан соғып, кей аумақта 15–20 м/с-қа дейін жетеді. Ақтауда да күндіз жел екпіні 15–20 м/с болады.
Абай облысының оңтүстігі мен орталығында түнде және таңертең әлсіз қар мен тұман ықтимал. Күндіз оңтүстік-батысында, шығысында және орталығында боран күшейеді. Жел солтүстік және солтүстік-шығыстан 15–20 м/с. Түнде ауа температурасы күрт төмендеп, 20–25 градус аязға дейін, ал облыстың батысында 28 градус аязға дейін түсуі мүмкін.
Шығыс Қазақстан облысында оңтүстігінде қар жауады, солтүстігі мен шығысында әлсіз қар күтіледі. Күндіз де оңтүстігі мен шығысында әлсіз қар жауып, солтүстігі мен шығысында тұман түседі. Солтүстігі мен орталығында боран болады. Жел солтүстік-батыстан және солтүстіктен соғып, күндіз 15–18 м/с-қа дейін күшейеді. Өскеменде түнде ауа температурасы 18–20 градус аязға дейін төмендейді.
Ақтөбе облысының солтүстігі, шығысы және орталығында боран соғады. Жел шығыстан 15–20 м/с, кейде 25 м/с-қа дейін күшейеді. Ақтөбе қаласында жел екпіні 15–18 м/с болады, түнде 18–20 градус аяз күтіледі.
Ұлытау облысының солтүстігі, шығысы және орталығында тұман түседі. Жел солтүстік-шығыстан 15–20 м/с-қа дейін күшейеді. Жезқазғанда да кей уақытта тұман болжанады.
Қарағанды облысының солтүстігі, оңтүстігі және шығысында тұман түсіп, жел солтүстік-шығыстан соғады. Күндіз жел екпіні 15–20 м/с-қа дейін жетеді. Қарағанды қаласында да тұман күтіледі. Облыстың солтүстік-шығысында түнде ауа температурасы 30–38 градус аязға дейін төмендеуі мүмкін.
Батыс Қазақстан облысының батысы мен оңтүстігінде қар жауып, боран соғады және көктайғақ болады. Батысы, солтүстігі және оңтүстігінде тұман түседі. Жел шығыстан соғып, солтүстігі, оңтүстігі және шығысында 15–20 м/с-қа дейін күшейеді. Оралда түнде және таңертең тұман болады.
Қызылорда облысының солтүстігі мен орталығында тұман және көктайғақ күтіледі. Жел шығыс және солтүстік-шығыстан соғып, түнде солтүстігі мен шығысында 15–20 м/с, күндіз 15–20 м/с, ал солтүстігінде 23 м/с-қа дейін күшеюі ықтимал. Қызылордада да кей уақытта тұман түседі.
Жетісу облысының шығысы, орталығы және таулы аудандарында кей уақытта тұман түседі. Жел солтүстік-шығыстан соғып, солтүстігі мен шығысында 15–20 м/с-қа дейін күшейеді. Талдықорғанда түнде және таңертең тұман болуы мүмкін.
Ақмола облысының батысы, солтүстігі және шығысында тұман түсіп, жолдарда көктайғақ күтіледі. Жел солтүстік-шығыстан соғып, батысы мен оңтүстігінде 15–20 м/с-қа дейін күшейеді. Көкшетауда да жолдың тайғақ болуы ықтимал.
Бүгінгі жұлдыз жорамал: 22 қаңтар күні сізді не күтіп тұр?
