Әлеуметтік желілерде істің қозғалғаны және Назарбаевтың сот процесінде жауапкер ретінде қатысып жатқаны жөнінде ақпарат тараған. Алайда сот өкілдері бұл нақты талап арыз емес, тек өтінішті қарау екенін мәлімдеді. Материалдардың құпия болуына байланысты процесс жабық түрде өтуде.
Бұған қоса, ақпарат көздері Болат Назарбаевтың қызына тиесілі компания әкімдікпен жасалған келісімшарттың сомасын төрт есеге ұлғайтқаны туралы дерек таратқан.
Айта кетейік, соңғы уақытта Назарбаевтар әулетінің түрлі қаржылық істері жиі талқыланып, қоғам назарын аударып отыр. Сарапшылардың пікірінше, активтерді қайтаруға байланысты мұндай процестер алдағы уақытта да жалғаса беруі мүмкін.
