12 наурыз, 2024
Әйелі Салтанат Нүкенованы өлтірді деп айыпталған бұрынғы ұлттық экономика министрі Қуандық Бишімбаевтың ісі бойынша алдын ала тыңдаудың екінші күні басталды. Бүгін жәбірленуші (Салтанат Нүкенованың жақындары) тарап сөз сөйлейді. Бұл туралы Kznews.kz ақпарат агенттігі хабарлайды.
Ал Бишімбаевтың анасы сотқа қорғаушы ретінде қатысуда. Ол журналистердің қай үкімді әділ деп санайсыз деген сұрауына “сот шешеді” деп жауап берді.
Ал БАҚ өкілдерінің айтуынша, сот әкімшілігі Қылмыстық кодекстің 158-бабын бұзады. Бір сөзбен айтқанда, журналистердің кәсіби қызметіне кедергі келтіреді.
Олар залға көп адамды орналастыру мүмкін еместігін айтып, БАҚ өкілдерін тағы да сот залына кіргізбей отыр. Хаттамалық түсірілімге операторлар мен фотографтарды 3-4 минутқа кіргігу туралы өтініштер де ескерілмеді.
Бір күн бұрын сот отырысы трансляцияланған кеңседен хабар жоқ, тікелей эфир үзіліп қалды. Сот басталды, бірақ журналистердің онымен жұмыс істеуге мүмкіндігі жоқ.
