"Алаяқтық жасады" деп айыпталып, 6 жылға сотталған Гауһар Әлімбекова жайлы жаңалықты естіген әншілер есеңгіреп қалған. Еліміздің шоу-бизнес өкілдері мен танымал тұлғалары ақша жинап, істі болған әріптестерінің қарызын жауып бермек деп хабарлайды NUR.KZ.
Ал Ғани мен Бота: "Гауxарға барынша қолдау көрсетейік, құрметті әріптестер! Біреудің алдап-арбауына түсіп қалған секілді", - деп көпшілікке үндеу тастаған.
Ал Нұрлан Албан өзінің қолдан келетін көмегін аямауға сөз берді.
"Шамамның келгенінше,қол созуға дайынмын. Айтарға сөз таба алмай отырмын", - деп істі болған әріптесін қолдайтынын білдірді.
Қайрат Нұртастың анасы Гүлзира Айдарбекова әншіні табалай бермей, қол ұшын созуға дайын екенін жеткізді.
"Онсызда xалықтың алдында жер болып отырғанында жерге тықпайық ағайын "Бәле аяқ асты" деген, бір шикілік бар сияқты. Өте ақ көңіл, жүрегі кең, ашық мінезді болатын, мүмкін бір қателік орын алып жатқан болар. Қолдан келсе, кір іздеп, мін тақпай сырттай жөн-жосықсыз әр түрлі әңгімені жазбай-ақ қояйық", - дейді Instagram парақшасында.
Дереккөз: kaz.nur.kz