9 ақпан, 2026
Белгілі актер Дархан Мұсаев әлеуметтік желідегі парақшасында жаңа жазбасын жариялады, деп хабарлайды kznews.kz.
Актердің айтуынша, өмірде адамды шыңдайтын, сынайтын кезеңдер болады. Сол сәттерде жолыңнан дұрыс адамдар шықса, бойыңды қайта жинап, алға қадам басуға күш табасың.
"Кейде тағдыр адамды сынап, қайрағысы келгендей болады. Сол сәтте жолыңа дұрыс адамдар жолықса, еңсең қайта тіктеледі. Хайрол Мархаба – өнерде өз орны бар, сөзі мен ісі қабысқан жігіт. Ал мен бір кезеңде "кино түсіремін" деп шаршап, күмәнданып жүргенмін. Сол кезде Хайролға барып, жағдайымды айттым. Ол бетімді қақпады. Тыңдады. Ақылын айтты. "Кешірімді бол" деді. Сенім білдірді. Жанына алып, идеямызды біріктіріп, осы жобада атқарушы продюсер ретінде жауапкершілік жүктеді. Бұл – мен үшін үлкен сенім, үлкен қолдау. Бүгінде ол – фильміміздің генеральный продюсері. Осындай адаммен бір жобада қатар жүру – мен үшін мәртебе", – деп жазды Дархан Мұсаев.
