17 наурыз, 2023
Желіде "Қазатомпром" компаниясының бұрынғы президенті Мұхтар Жәкішовтың әлдебір жас әйелмен бірге түскен суреті тарады.
Ол 11 жыл түрмеде отырып, 2020 жылы ғана босап шыққан еді. Белгілі кәсіпкердің жеке өмірінде сүйінші жаңалық бар сияқты.
"Өмір енді ғана басталды" деп жазған Болат Әбілов досын қызды болуымен құттықтаған.
"Менің "өмір енді басталды" деген ұраным бар. Ол досым, әрі бауырым Мұхтар Жәкішовтың өмірінде орын алған жақсы оқиғамен үндесіп тұр. Мұхтарды шын жүректен қызды болуымен құттықтаймын. Бұл жаңа өмір, болашаққа сеніммен қадам басқан жаңа жол. Өмір енді ғана басталды дегенге көзіміз анық жетті", - делінген жазбасында.
