Бүгін, 09:53
Биыл мұсылман қауымы үшін қасиетті Құрбан айт мерекесі 27, 28 және 29 мамыр күндеріне сәйкес келеді, деп хабарлайды kznews.kz.
Белгілі дінтанушы Нұрлан имам Байжігітұлы Құрбан айттың мәні тек мал шалумен шектелмейтінін айтты. Оның пікірінше, адам үшін ең үлкен құрбандық — арлы, иманды әрі саналы ұрпақ тәрбиелеу.
«Сіз жыл сайын Құрбан айтта ірі қара немесе түйе шалсаңыз да, артыңызда қалған ұрпағыңыз имансыз, ар-намыссыз, тілсіз, жетесіз болса, ол құрбандықтың сізге қалай көмегі тимек? Бүгінгі таңдағы құрбандықтың ең үлкені – балаңа дұрыс тәрбие беру», – деді имам «Жібек жолы» радиосына берген сұхбатында.
Дінтанушы сондай-ақ хакім Abai Qunanbaiuly сөзін мысалға келтіріп, адамның тәрбиесі мен ұрпағына қалдырған өнегесі бәрінен маңызды екенін атап өтті.
