28 қараша, 2025
Democrat.kz мәліметінше, жақында жүз отбасына баспана сыйлаған кәсіпкер Тұрсын Алагөзовке арнап әнші Қайрат Керімбек арнайы ән шығарған. Әншінің жаңа туындысы әлеуметтік желіде жарияланған сәттен-ақ қызу талқылауға түсті, деп хабарлайды kznews.kz.
Өлең жолдарында:
«Жүз үй берген ағама көп-көп рақмет,
Қазақтардың атынан алғыс айтамын» – деген сөздер кездеседі.
Алайда бұл ән көпшілікке жақпай, керісінше желі қолданушыларының наразылығын тудырды. Тыңдармандардың басым бөлігі әннің мәні мен мазмұнының жеңіл екеніне, ал орындаушының әрекеті кәсіпкердің көзіне түсіп, назарын аудартуға тырысқан амал секілді көрінетініне пікір білдірді.
Желі қолданушыларының арасында:
– «Бейшаралар ақша үшін бәрін істейтін болды ғой»,
– «Не болса соны ән қыла салатын болыпты, әннің де, адамның да қадірі кеткен заман»,
– «Баянның күйеуі бір пайдасын тигізер деп үміттеніп жүрген шығар»
деген секілді сыни пікірлер көп кездесті.
Кейбіреулер мұндай мазмұндағы әндердің қоғамдағы өнер сапасына кері әсер етіп жатқанын атап өтсе, енді бірі мұны мақсатты түрде кәсіпкерге жағыну деп бағалады.
