Бүл туралы Azattyq Rýhy жазды.
Ресми Telegram-арнасында Павел Дуров Алматы облысындағы Көлсай көлінен шығып келе жатқан сәтінен видео жариялаған.
«Жақсы шомылу болды», — деп жазды ол stories бөлімінде шыққан бейнероликке.
Белгілі болғандай, Көлсай көлдерінде шомылуға қатаң тыйым салынған. Осыған байланысты «Көлсай көлдері» ұлттық табиғи паркі Instagram парақшасында оқиғаға байланысты қызметтік тексеріс басталғанын хабарлады.
«Көлсай көлдерінде шомылуға туристік маршруттың паспортына сәйкес қатаң тыйым салынғандықтан, бұл жағдай бойынша парк әкімшілігі тарапынан қызметтік тергеу басталды», — делінген ресми мәлімдемеде.
