Қазақстан Ішкі істер министрлігі Әкімшілік полиция комитеті төрағасының орынбасары Алексей Милюк Үкімет сағаты кулуарында Telegram негізін қалаушы Павел Дуровқа Көлсай көлдерінде шомылғаны үшін айыппұл салына ма деген сұраққа жауап берді.Бұл туралы Kznews.kz ақпарат агенттігі хабарлайды.
"Мұндай аумақтарда болу, шомылу фактілері бойынша хаттама толтыру мен айыппұл салу Экология министрлігінің құзыретіне кіреді. Біз тиісті материалдарды тіркеп, оларға жолдадық. Қазір бұл мәселені министрлік қарап жатыр. Біз тек БАҚ-та жарияланған мәліметтер негізінде материал жинап, оны қарауға бердік", — деді Милюк.
Сондай-ақ ол Павел Дуровқа қандай жаза қолданылуы мүмкін екенін айтты.
"Барлығы құқықбұзушылықтың қалай сараланатынына байланысты. Ең жеңіл жаза — ескерту 10 АЕК (шамамен 39 мың теңге) көлеміндегі айыппұл. Бұл нақты құрамына қарай шешіледі", — деп түсіндірді ол.
Айта кетейік, бұған дейін "ВКонтакте" әлеуметтік желісі мен Telegram мессенджерінің негізін қалаушы Павел Дуров Алматы облысындағы Көлсай көліне шомылғанын көрсеткен видео жариялағанын жазған болатынбыз. Алайда керісінше ұлттық парк қызметкерлерінің үстінен қызметтік тергеу басталған.
