Бүгін, 09:53
Мәжіліс депутаты Ринат Зайытов Президент Қасым-Жомарт Тоқаевтың қолынан мемлекеттік марапат алды, деп хабарлайды kznews.kz.
Депутат бұл жаңалықты өзі де растап, марапатты күтпегенін айтты. Оның сөзінше, сыйлықты «аванс ретінде берілген болуы мүмкін» деп бағалаған. Сонымен қатар ол бұл сенімге сай болу үшін өзіне бірнеше мақсат қойғанын жеткізді.
«Соның біреуі орындалса, сол күні марапатты тағып шығамын», – деді ол.
Зайытов әзірге өзін бұл наградаға толық лайық деп санамайтынын да жасырмады. Оның пікірінше, мәдениет саласында бұл атаққа лайық жандар көп.
«Марапат алғаныма сәл ұялып тұрмын. Менен де лайық адамдар бар», – деді депутат.
