29 мамыр, 2020
Солтүстік Қазақстанда жапан далада басталған өрт сөнер емес. Мәселен, Уәлиханов ауылында өрт сөндіру техникасы мүлдем жоқ сыңайлы. Сол себепті облыс орталығынан алс жерлерде пайда болған тілсіз жауды ауыздықтау әлі мүмкін болмай тұр, деп хабарлайды Stan.kz ақпарат агенттігі КТК арнасына сілтеме жасап.
Өрт осыдан екі күн бұрын Қайрат ауылындағы далада пайда болыпты. Ал тоқтаусыз соққан жел оны лезде күшейтіп жіберіпті. Қазіргі таңда ауылдықтар мен әкімдік қызметкерлері өртті өз күштерімен сөндіруге тырысып бағуда. Жалпы 42 адам отты ауыздықтауға кірісіпті. Десек те ауыл тұрғындарының күші өртті толықтай өшіруге жетпей тұрған көрінеді.
Десек те жергілікті ТЖД өкілдері өрттің сөндірілгенін айтып, сендіруге тырысты
"Сондықтан ауылдықтардың күшімен өрт сөндірілуде. Қазір өрт тоқтатылды және сөндірілді", - деді СҚО ТЖД бастығының орынбасары Нұрлан Атығаев.
stan.kz
