19 қаңтар, 2020
Қысқа сілтеме алу
Ертең бірнеше облыста қар жауып, бұрқасындатады, сонымен қатар тұман түсіп, жел күшейеді деп болжанып отыр
НҰР-СҰЛТАН, 19 қаңтар — Sputnik. Ауа райына байланысты Нұр-Сұлтан қаласы мен бес облыста дабылды ескерту жарияланды.
20 қаңтарда күндіз Ақмола облысының басым бөлігінде қар жауады. Кей жерлерде тұман, бұрқасын сақталады. Оңтүстік-батыстан жел соғады, кей жерлерде оның күші 15-20 м/с-ке жетеді.
Қостанай облысында кей жерлерде бұрқасын, тұман күтіледі. Оңтүстік-батыстан жел соғады, күші кей жерлерде 18 м/с болады деп болжанып отыр.
Қызылорда облысының кей жерлерінде тұман түседі.
Тағы оқыңыз: Қыста артық салмақ жинамау үшін не істеу керек – дәрігер құпияны ашты
Солтүстік Қазақстан облысында күндіз қар жауады. Кей жерлерде бұрқасын, тұман, күтіледі. Оңтүстік-шығыстан жел соғады, күндіз кей жерлерде оның күші 15-20 м/с болады.
Түркістан облысының кей жерлерінде тұман түседі, көктайғақ күтіледі.
Нұр-Сұлтан қаласында ертең тұман түседі, деп ескертті синоптиктер.
sputniknews.kz
