Бүгін, 12:21
Жангелдин ауылында бір отбасының қазасына қатысты қоғамда үлкен талқы тудырған қылмыстық іс бойынша сотқа дейінгі тергеу аяқталды, деп хабарлайды kznews.kz.
Негізгі айыпталушы Сұлтан Сәрсемалиев іс материалдарымен танысқан. Ол төрт адамды өлтіру дерегі бойынша тағылған айыпты мойындағаны хабарланды.
Оған Қазақстан Республикасы Қылмыстық кодексінің 99-бабы 2-бөлігі 1-тармағы, яғни йекі немесе одан да көп адамды өлтіру" бойынша айып тағылып отыр.
Бұдан бөлек, тергеу барысында Қылмыстық кодекстің 188-бабы – "Ұрлық" және 190-бабы – "Алаяқтық" бойынша да қосымша істер тіркелген. Тергеу дерегіне сүйенсек, күдікті марқұм отбасының малын сатып, олардың банк картасындағы қаражатты иемденген болуы мүмкін.
