14 наурыз, 2026
Атырау қаласындағы «Геолог» ықшамауданынан табылған 32 жастағы Наурыз Мұқанғалиев пен 35 жастағы Мейрамгүл Қарабалинаның өліміне қатысты жаңа мәліметтер жария болды, деп хабарлайды kznews.kz.
Алдын ала тергеу деректеріне сүйенсек, марқұмдардың денесінде өткір заттан қалған жарақаттар анықталған.
Бұл жағдайға байланысты Атырау облысы Полиция департаменті бастығының бірінші орынбасары Құттыбай Садықов түсініктеме берді. Оның айтуынша, қазіргі уақытта құқық қорғау органдары оқиғаның барлық мән-жайын анықтау үшін қажетті тергеу әрекеттерін жүргізіп жатыр.
"Марқұмдардың денесінде өткір затпен салынған жарақаттар бар. Осыған байланысты сот-медициналық сараптама тағайындалды", – деді Құттыбай Садықов.
Мамандардың мәліметінше, сараптама нәтижелері арқылы қайтыс болудың нақты себебі мен уақыты анықталады. Тергеу амалдары жалғасып жатыр.
