Бүгін, 22:36
Астанада жеке стоматологиялық орталықтардың бірінде 20 жастағы жігіт иннекциядан соң қайтыс болды, деп хабарлайды kznews.kz. Бұл туралы ақпарат алғаш рет әлеуметтік желілерде тарады.
Желіде жарияланған мәліметке сәйкес, науқасқа медициналық препарат алдын ала аллергиялық сынама жасалмай енгізілген. Инъекциядан кейін жігіттің денесі тырысып, жағдайы күрт нашарлаған. Алайда оған сол препарат қайтадан егілгені айтылып отыр. Осыдан кейін жас жігіттің өмірін сақтап қалу мүмкін болмаған.
Сондай-ақ, кей деректерде инъекцияны тәжірибеден өтіп жүрген практикант жасауы мүмкін екені, ал жауапты дәрігердің жағдайды тиісті деңгейде бақыламағаны көрсетілген.
Аталған оқиғаға байланысты Астана қаласының Полиция департаменті қылмыстық іс қозғалмағанын, алайда сотқа дейінгі тергеп-тексеру басталғанын хабарлады. Қазіргі уақытта оқиғаның барлық мән-жайы анықталып жатыр.
Қайтыс болған жігіттің есімі Мұрат болған деп жазды әлеуметтік желі қолданушылары.
