Бүгін, 13:00
Астана маңындағы ат клубтарының бірінде болған оқиға қайғылы аяқталды. 33 жастағы Жазира есімді қыз аттан құлап, ауыр жарақат алғаннан кейін бір айға жуық комада жатқан. Ол 13 тамызда көз жұмды, деп kznews.kz тілшісі Ulysmedia.kz сайтына сілтеме жасап хабарлайды.
Марқұмның жақындары мен достарының айтуынша, Жазира атқа мінуді бұрыннан білетін және ер-тоқымда өзін сенімді ұстайтын болған. Алайда сол жолғы құлау салдарынан алған жарақаты өте ауыр болған.
Қайғылы жағдайдан кейін оның таныстары әлеуметтік желіде жазба жариялап, атқа міну кезінде қауіпсіздік талаптарын қатаң сақтауға шақырды.
"Әдемі видео үшін өміріңізді қатерге тікпеңіздер. Өзіңіз толық басқара алмайтын, тоқтата алмайтын атқа мінбеңіздер. Үйде ата-анаңыз бен жақындарыңыз күтіп отырғанын ұмытпаңыздар", – деп жазды олар.
