Бүгін, 14:20
Астанада жеңіл көліктегі жарылыстан ауыр жарақат алған Алмас Әдешов ауруханада көз жұмды. Қаралы хабарды оның қызы Айым әлеуметтік желідегі парақшасында жариялады, деп хабарлайды kznews.kz.
Марқұмның қызы әкесін еске алып, оның өмірден өтуі отбасы үшін ауыр қайғы болғанын жазған. Сондай-ақ ол отбасылық мұрағаттағы бейнежазбаны бөлісті.
Айтуынша, жарылыс кезінде көлікте ата-анасы мен екі сіңлісі болған. Оқиғадан кейін Алмас Әдешов жансақтау бөліміне жатқызылса, қалған отбасы мүшелерінің жағдайы тұрақты деп бағаланған.
Еске салайық, оқиға Астананың Сарайшық ауданындағы Қасым Аманжолов көшесінде болған. Алдын ала мәлімет бойынша, жеңіл көлікте газ-ауа қоспасы жарылып, артынша өрт шыққан. Салдарынан бес адам түрлі жарақат алып, медициналық мекемеге жеткізілген еді.
