16 наурыз, 2023
Астанадағы мешітте өткен рәсімнен кейін ер адам имамға 13 пышақ жарақатын салған, - деп хабарлайды Kznews.kz тілшісі.
716.kz порталының мәліметінше, 13 наурызда Жібек жолы ауылының тұрғындары осы имамға неке қидырған. Ал 14 наурызда әйелімен жанжалдасқан ер адам мешітке барып имамды 13 жерінен пышақтап кеткен. Имамның ауыр халде ауруханаға түскені хабарланды.
Астана полиция департаментінің баспасөз қызметі Сарыарқа ауданының полиция бөлімі аталған факт бойынша соталды тергеу амалдарын бастап, барлық қажетті сараптамалар тағайындағанын мәлімдеді.
"Оқиғаға қатысы бар ер адам ұсталды. Ол уақытша ұстау изоляторына қамалды. Тергеу мүддесіне қатысты соталды тергеудің өзге де мәліметтері ҚР ҚК 201-бабы негізінде Қылмыстық іс жүргізу кодексі жария етуге жатпайды", - деп қорытындылады полиция.
