Бүгін, 09:31
Ақын әрі коуч Айнұр Тұрсынбаева әлеуметтік желідегі парақшасында Бекжан Әшірбаевтың қазасына байланысты көңіл айту жазбасын жариялады, деп хабарлайды kznews.kz.
Ол марқұмның артында сөзі, әні және халық жадында қалатын ізі қалғанын атап өтті.
"Тағы бір жақсыдан айырылып қалдық… Қазақ "жақсының аты өлмейді" дейді ғой. Бекжан Әшірбаев та артында сөзі қалған, әні қалған, елдің есінде жүрер ізі қалған азамат еді. Өнер иесі өмірден өткенмен, елдің жадынан кетпейді", – деп жазды Айнұр Тұрсынбаева.
Сондай-ақ ол марқұмның отбасына, туған-туыстары мен жақындарына көңіл айтып, сабыр тіледі.
"Бекжан ақынымызды Алла рақымына бөлеп, жанын жәннаттан етсін. Артында қалған отбасы мен туған-туысына, барша жақындарына сабыр тілеймін. Қазақ еліне қайғырып көңіл айтамын", – деді ол.
