2 желтоқсан, 2025
Марқұм композитор Арман Дүйсеновтің жары Айсұлу Айданқызы ұлы Абылайдың өліміне қатысты көпшілік білмейтін жаңа мәліметтерді жария етті, деп хабарлайды ozgeris.info.
Айсұлудың айтуынша, ол ұлын өз пәтерлерінен қорқынышты күйде көрген. Бұл туралы ол журналист Руслан Өтепбайға берген сұхбатында егжей-тегжейлі баяндады.
"Абылайды өз пәтерімізден көрдім. Екі қолы арқасына байланған, Аяғы жерде тұр, мойнынан аспалы шамға байлап, сүйеп қойған. Ол асылып тұрған жоқ, аяғы жерге тиіп тұр. Қолы арқасына айқастырылып байланып тұр. Қолды артқа байлап, өз өзіне қол салу мүмкін емес. Басында "кісі өлтіру" деп тіркелген еді. Кейіннен біреулердің пайдасы үшін ауыстырылды. Қазір тергеушілер қылмыскерлерді табудың орнына менімен күресіп, олардың шашбауын көтеріп жүр", – деді Айсұлу Айданқызы.
