Бүгін, 17:59
Ақтөбеде полициясы кәмелетке толмаған қызбен жыныстық қатынас жасау фактісі бойынша қылмыстық істі тергеуді бастады, деп хабарлайды kznews.kz.
— Қазіргі таңда заң аясында қарастырылған барлық қажетті тергеу шаралары жүзеге асырылып жатыр. Жәбірленушінің құқықтары мен заңды мүдделері толық қорғалған. Қылмыстық істің тергелу барысы облыстық полиция департаментінің ерекше бақылауына алынған, — деп мәлімдеді ведомствоның баспасөз қызметі.
Өз кезегінде облыстық білім басқармасы қыздың бұған дейін профилактикалық есепке қойылғанын хабарлады.
— Аталған жағдайға дейін білім беру ұйымы тарапынан тиісті шаралардың барлығы қабылданды. Түнгі рейд барысында кәмелетке толмаған жасөспірімнің бірнеше мәрте ұсталғаны белгілі болды. Сол кезде ата-анасына ескерту жасалып, оқушы профилактикалық есепке алынды. Онымен жеке жұмыс жоспары әзірленіп, тұрақты бақылау ұйымдастырылды. Сондай-ақ сол уақытта оның жүкті екені анықталған, — деп хабарлады Ақтөбе облыстық білім басқармасы.
